Për të nëntin vit radhazi në fshatin Dvoran të Korçës u zhillua festa tradicionale e mollës, e cila ka për qellim promovimin e produktit mjaft te njohur per kete zone por dhe zhvillimin e turizmit. Ndryshe nga sa pritej pjesëmarrja e fermereve ne panair ishte tejet e ulët, s’ka shihet dhe nga stendat e boshatisura. Prodhimi i mollëve eshte i bollshëm por për femerët mbetet problem gjetja e tregjeve dhe cmimi tejet i ulet i shitjes tek grumbulluesit.
“Problemet që ne kemi janë mungesa e tregut të produkteve dhe çmimi i larte i imputeve bujqesore. Me tregtimin e molles kemi problem, jemi vetem në tregun e vendit, nuk eksportojme dot. Grumbulluesit e marrin me çmim të ulët. I bëj thirrje Qeverisë dhe Bashkise të hartojne politika mbështetëse për fermerët”, tha një prej kultivuesve në Dvoran.
Molla shitet nën kosto, 30 deri në 50 lek për kg, por fermerët nuk heqin dorë pasi kanë investuar prej 30 vitesh në ngritjen e plantacioneve.
“Kemi disa variete molle që kultivojmë por më kërkohen gold dhe sterking. Kemi marrë frigoriferë me qira se s’kemi ku i mbajmë. Ne i shesim nën kosto, por nuk heqim dorë nga kjo punë se kemi 30 vite që investojmë. Ndryshe janë fermerët në fusha që mund ta kthejnë nga grurë në misër”, shprehet ai.
Fermerët e rajonit të Korçës prodhojnë mesatarisht 100 mijë tonë mollë në vit dhe mbi 40% e këtij prodhimi ruhet në kushte frigoriferike./shqiptarja
