Për herë të parë në historinë e Kupës së Botës për Klube, Presidenti amerikan Donald Trump ishte i pranishëm në stadium për të ndjekur nga afër finalen e turneut.
I shoqëruar nga Zonja e Parë Melania Trump, ai ishte ulur krah Presidentit të FIFA-s, Gianni Infantino, me të cilin ka pasur bashkëpunim të ngushtë në përgatitjet për këtë kompeticion, si dhe për Kupën e Botës 2026, që do të mbahet në Shtetet e Bashkuara, Meksikë dhe Kanada.
Trump kishte paralajmëruar më herët se do të merrte pjesë në këtë ndeshje, ndërsa më parë ka pritur në Shtëpinë e Bardhë kreun e FIFA-s, duke promovuar garën e re ndërkombëtare për klube.
Në finalen e mbrëmjes, përballë një atmosfere të jashtëzakonshme, po përballen Paris Saint-Germain dhe Chelsea.
