Shërbimet e emergjencës janë angazhuar intensivisht pas reshjeve të dendura të dëborës që goditën disa rajone alpine në Zvicër, Itali dhe Francë. Stuhia e pazakontë pranverore ka shkaktuar të paktën një viktimë dhe ka lënë një person tjetër të plagosur rëndë si pasojë e një orteku.
Autoritetet lokale kanë urdhëruar banorët të qëndrojnë brenda për shkak të rrezikut të lartë nga ortekët dhe kushtet e vështira atmosferike. Edhe pse reshjet e dëborës në muajin prill nuk janë të rralla në Alpe, sasia e madhe e dëborës që ka rënë në një kohë kaq të shkurtër ka befasuar shumë zona të rajonit.
View this post on Instagram
Pamjet nga terreni tregojnë përpjekjet e ekipeve të shpëtimit për të pastruar rrugët dhe për të ndihmuar banorët e izoluar nga bora. Ndërkohë, pritet që moti të mbetet i paqëndrueshëm edhe në ditët në vijim, duke shtuar frikën për ortekë të tjerë dhe rrëshqitje dherash.
