Tiranë- Një shpërthim me lëndë plasëse ka ndodhur në kryeqytet. Ngjarja mësohet se ka ndodhur rreth orës 00:35 në rrugën “Besnik Hidri” në kryeqytet, në portën e jashtme të banesës së Tonin Qafaj.
Si pasojë janë shkaktuar vetëm dëme materiale. Nuk ka persona të dëmtuar.
Mësohet se shënjestër e sulmit ka qenë Tonin Qafa, i cili ka jetuar për shumë vjet në Amerikë dhe ka tre muaj që është kthyer në Shqipëri. Në vitin 2009, ai humbi një vëlla, i cili u vra tragjikisht.
Sidoqoftë, dyshimet e policisë dhe hetimet e zhvilluara sugjerojnë se ngjarja ka ndodhur si pasojë e konflikteve që kanë lidhje me djalin e Tonin Qafës, i cili jeton jashtë vendit. Hetimet janë përqendruar kryesisht në këtë aspekt, duke menduar se ndoshta këto konflikte janë arsyeja që ka çuar në tragjedinë që goditi familjen e tij.
