Trazirat kanë shpërthyer në rrugët e Leeds pas një debati që përfshiu shërbimet sociale dhe fëmijët
Dhjetra njësi policie mbërritën në një rrugë në Harehills, pasi grupe njerëzish u mblodhën në zonë, duke përmbysur një makinë policie dhe duke e gooditur atë me skuter, karroca dhe biçikleta.
Oficerët vendosën të çojnë punonjësit e agjencisë dhe fëmijët në një hapësirë të sigurt, por shpërtheu kaosi dhe u kërkuan përforcime.
Në pamjet që janë shpërndarë gjerësisht në mediat sociale, mund të shihen grupe të mëdha njerëzish duke protestuar, duke bërtitur dhe duke thyer një makinë policie me objekte të ndryshme, duke përfshirë një karrocë fëmijësh. Një grup të rinjsh mund të shihet duke thyer xhamat dhe duke hedhur objekte në të, ndërsa oficerët ishin ulur brenda.
Një numër rrugësh janë mbyllur dhe njerëzit janë këshilluar të shmangin zonën përreth Luxor.
Një zëdhënës i policisë së Ëest Yorkshire tha: “Në orën 17:00 të sotme (e enjte), policia u thirr për një incident që po ndodhte në një adresë në rrugën Luxor, Harehills.
“Oficerët gjetën trazira që përfshinin edhe disa punonjës të agjencisë dhe disa fëmijë.
