TIRANË – Një ngjarje e rëndë ka ndodhur pasditen e sotme në lagjen Yzberisht të kryeqytetit, ku një adoleshent 14-vjeçar është rrëzuar aksidentalisht nga kati i gjashtë i pallatit ku banonte.
Sipas burimeve paraprake, i mituri ka rënë në rrethana ende të paqarta, ndërsa dyshohet për një aksident. Ai është transportuar me urgjencë drejt spitalit në gjendje të rëndë shëndetësore por nuk ia ka dalë të mbijetojë.
Shërbimet e Policisë kanë nisur hetimet për të zbardhur rrethanat e sakta të incidentit.
