Një ditë pas urdhrit të kryeministrit Edi Rama për lirimin e hapësirave publike nga zaptimet abuzive, në Vlorë ka nisur lirimi i sipërfaqeve që u përkasin qytetarëve.
Kryetari i bashkisë së Vlorës Ermal Dredha nëpërmjet një postimi në rrjetet sociale thekson se nuk do të ketë asnjë tolerim për zaptimin e hapësirave publike!
“Abuzimet janë të shumta prandaj do të vijojmë çdo ditë aksionet për lirimin e sipërfaqeve që u përkasin qytetarëve!”, thekson Dredha.
Sipas Dredhës “as sezoni turistik dhe asgjë tjetër nuk është justifikim për të zaptuar vendin që i përket qytetit”./atsh
