Detajet nga Dosja Veliaj, e siguruar nga Albanian Insider, tregojnë se kryebashkiaku dhe bashkëshortja e tij shpenzonin më shumë nga sa fitonin. Bashkë me kursimet, shumat marramendëse përfunduan nën lupën e SPAK.
Në dosje, Prokuroria e Posaçme del në përfundimin se nuk janë deklaruar as adresat dytësore në shtëpitë e pushimit, asnjë shpenzim për mobilim. Prokuroria gjen shkelje edhe te dietat të cilat, sipas dosjes, nuk janë blerë me prokurim publik. “Lind pyetja, kush ia ka mbuluar shpenzimet jashtë shtetit Erion Veliajt përderisa ka kursyer dietat dhe përse duhet t’i kalojnë në llogarinë bankare shpenzimet e biletave,” ngrihet pyetja nga prokurorët.
