Territori i Qarkut Lezhë vazhdon të jetë i përfshirë nga reshje të dendura shiu dhe dëbore.
Dëbora ka zbritur deri në qytetin e Lezhës dhe Laçit.
Raportohet që është bllokuar aksi rrugor që lidh qytetin e Laçit me kishën e Sh’na Ndoit dhe si pasojë disa automjete që kishin shkuar në vendin e shenjtë, kanë mbetur të bllokuar.
Policia bën apel që drejtuesit e mjeteve të cilët udhëtojnë nga Skurajt në drejtim të Ulzës, ta shmangin këtë segment rrugor pasi është bllokuar rruga në Qafë të Ulzës.
Si rezultat i erës me intensitet të vrullshëm, vazhdon të ketë ndërprerje të energjisë elektrike, sidomos në zonat rurale./cna
