Chelsea ka shkruar histori duke fituar FIFA Club World Cup 2025, pas një fitoreje bindëse 3-0 ndaj Paris Saint-Germain në finalen e shumëpritur.
Skuadra londineze dominoi ndeshjen dhe nuk i la asnjë hapësirë kampionëve të Evropës për të reaguar. Me një performancë të shkëlqyer në të dyja fazat e lojës, “Blutë” treguan se janë gati të rikthehen në majat e futbollit botëror.
Ky është titulli i dytë i Kupës së Botës për Klube në historinë e Chelsea-t, duke vulosur një sezon të jashtëzakonshëm për skuadrën e trajnerit të tyre.
