Sulmuesi i Kombëtares shqiptare, Myrto Uzuni u largua nga Spanja dhe Europa në merkaton e janarit, për t’u bërë pjesë e skuadrës së Austin në SHBA. Së fundmi ai ka dhënë një intervistë për “Austin Chronicle”, ku ka folur për karrierën e tij.
myrto uzuni“Kam nisur të luaj që kur isha i vogël dhe sigurisht që jam rritur duke u stërvitur. Kjo ishte zgjidhja ime e vetme në shtëpinë time. Kështu që nuk ka pasur një fëmijëri të lumtur. Dhe e vetmja zgjidhje ishte të isha futbollist, sepse nuk ishim të pasur, ishim një familje normale. Po punoja shumë, i kushtova kohën time futbollit. Po jepja gjithçka. Prandaj jam sot këtu. Nuk është fat, është punë.”
Uzuni ka arsye të jetë krenar për arritjet e tij ku në tre sezone me Granadën, një klub me mbi 90 vjet histori, ai u bë golashënuesi më i mirë i të gjitha kohërave të klubit me 49 gola në 106 paraqitje.
“Unë shënoj shumë gola. Kam thyer rekorde”.
Megjithatë, ai gjithashtu e bëri të qartë se nuk ka interes të ndalet në arritjet e së kaluarës, duke thënë: “Qëllimet e mia janë të qarta dhe unë dua të shkruaj histori”.
Ai shtoi se: “E kaluara ime më mësoi të vlerësoja atë që kam tani. Prandaj po jap dyfish në fushë dhe nuk jam kurrë i lumtur dhe gjithmonë jam i zemëruar”.
“Nuk bëhet fjalë që unë të jem egoist apo të sjell këtë mentalitet. Kjo nuk është një mënyrë e mirë për të ndihmuar ekipin. Dua që skuadra të më shohë mua si shembull. Kështu që unë po punoj shumë çdo ditë, e dini, dhe gjithashtu bëj gabime. Duhet të jem më i mirë çdo ditë, kështu që mendoj se ekipi nuk shkon në rrugën e gabuar, sepse ne duhet të përmirësojmë të gjithë, dhe mua së pari”, përfundoi Uzuni.
BRIKENA BISKU-PANORAMASPORT.AL
