Ish-kryeministri dhe ish-presidenti Sali Berisha festoi sot ditëlindjen e tij mes deputetëve dhe anëtarëve të Partisë Demokratike, duke ndarë një mesazh mirënjohjeje dhe reflektimi mbi karrierën e tij politike.
Berisha u shpreh:
“Sot e kam nisur ditën me një mesazh mirënjohjeje të pakufishme ndaj jush, ndaj të madhit Zot, familjes, dashamirësve, miqve dhe të gjithë mbështetësve në këto 35 vite. Nuk kam fjalim, por e di që të gjithë e kanë një pyetje: cili është sekreti i këtij njeriu?”
Duke iu përgjigjur vetë, ai tha:
“Sekreti im është puna, puna dhe vetëm puna. Edhe njëherë mirënjohje për të gjithë ju.”
Ngjarja u zhvillua në një atmosferë të ngrohtë dhe festive, me pjesëmarrjen e deputetëve të PD-së, gazetarëve dhe kameramanëve, duke reflektuar mbi 35 vjet aktivitet politik dhe angazhimi publik të Berishës.
