Takimi Belgjikë-Rumani mbyll llogaritë e ndeshjeve të dyta në grupin E të “Euro 2024”. 45 minuta e parë mbyllen me fitoren 1-0 të “Djajve të Kuq”, të cilët ishin më kërkues gjatë gjithë pjesës së parë.
Një pjesë e parë e dominuar qartë nga Belgjika, e cila natyrisht fitoi më shumë besim me golin pas 73 sekondash… Tielemans shënoi me këmbën e djathtë, pas një loje të bukur kolektive ku përfshiheshin edhe Doku dhe Kevin De Bruyne.
Belgjika u afrua shumë pranë të dytit në dy raste, por edhe Rumania u kundërpërgjigj me një goditje të rrezikshme me kokë nga qendra Dragusin. Me këtë rezultat çdo gjë barazohet në grupin E, por gjithsesi me Rumaninë në epërsi sepse në raundin e parë mundi Ukrainën 3-0.(Dosja.al)
