Mbështetësit e opozitës u mblodhën në protestën e 13-ë para godinës së bashkisë së Tiranë ku kërkojnë prej muajsh dorëheqjen e kryetarit Erion Veliaj, që kur iu arrestuan dy ish-drejtorë nën akuzë për korrupsion.
Edhe sot kanë hedhur molotov drejt godinës, ndërsa mbanin në duar flamujt e PD, tymuese me ngjyra dhe fishekzjarrë, një ritual i përjavshëm ky tashmë.
E vetmja gjë që kishte ndryshuar ishte se këtë herë policia ka vendosur mos të marrë të njëjtat masa, duke mos bllokuar me gardh metalik bashkinë.
