Kryetari i Grupit Parlamentar të Partisë Socialiste dhe Drejtuesi Politik i PS për Diasporën, Taulant Balla, ka ndarë sot historinë frymëzuese të sipërmarrësit shqiptar në Britaninë e Madhe, Rudin Maçaj.
Balla vizitoi biznesin e Maçaj në Londër. Ai ka mbërritur në Britaninë e Madhe në vitin 1996 si emigrant, ndërsa sot drejton një kompani me 75 punonjës dhe një xhiro vjetore prej 25 milionë paundësh thekson Balla duke u shprehur se ky është një shembull i qartë i potencialit, punës dhe energjisë së diasporës shqiptare.
“Suksesi i çdo shqiptari në diasporë është suksesi i Shqipërisë”, shkruan Balla, duke nënvizuar rolin e rëndësishëm të komuniteteve shqiptare jashtë vendit në forcimin e imazhit dhe zhvillimit ekonomik.
