AUSTRI – Një 23-vjeçar goditi me thikë në mënyrë të rastësishme pesë kalimtarë në Villach, një qytet në Austrinë jugore, të shtunën, sipas policisë. Një 14-vjeçar humbi jetën dhe katër persona të tjerë u plagosën në sulm.
I dyshuari u arrestua nga policia. Ai është shtetas sirian me leje qëndrimi të ligjshme në Austri, thanë autoritetet.
Një 42-vjeçar, i cili punon për një kompani shpërndarjeje ushqimi, e pa ngjarjen nga makina e tij.
Ai drejtoi makinën drejt të dyshuarit dhe ndihmoi në parandalimin e përshkallëzimit të situatës, tha zëdhënësi i policisë, Rainer Dionisio, për transmetuesin publik austriak ORF.
Policia tha se ende nuk është e qartë nëse i dyshuari veproi i vetëm, prandaj po vazhdojnë kërkimet për të identifikuar ndonjë bashkëpunëtor të mundshëm./shqiptarja
