Një 23-vjeçare e shpallur në kërkim është arrestuar nga policia në Elbasan, nën dyshimin për shfrytëzim prostitucioni.
Policia bën me dije se 23-vjeçarja me origjinë nga Peruja, në bashkëpunim me persona të tjerë nga vendet e Amerikës Latine, kishin përshtatur për shfrytëzim prostitucioni, ambiente të marra me qira, si dhe duke u promovuar në faqe online ofronin marrëdhënie seksuale, kundrejt pagesave.
Grupi hetimor dhe prokuroria e Elbasanit ka nisur hetimet për zbardhjen e veprimeve të mëtejshme.
Njoftimi i policisë:
DVP Elbasan/Vijon operacioni policor i koduar “Fee”, kapet dhe vihet në pranga një shtetase e shpallur në kërkim për shfrytëzim prostitucioni.
Specialistët e Seksionit për Hetimin e Trafiqeve, në vijim të punës për kapjen e shtetasve të shpallur në kërkim, në bashkëpunim me shërbimet e Komisariatit të Policisë Elbasan, kapën në Tiranë dhe ndaluan shtetasen peruane të shpallur në kërkim F. G., 23 vjeçe.
23-vjeçarja dyshohet se në bashkëpunim me shtetas të tjerë nga vendet e Amerikës Latine, kishin përshtatur për shfrytëzim prostitucioni, ambiente të marra me qira, si dhe duke u promovuar në faqe online ofronin marrëdhënie seksuale, kundrejt pagesave.
Materialet procedurale i kaluan Prokurorisë, për veprime të mëtejshme.
