Në një deklaratë për media nga Fieri, ambasadori i BE-së në Shqipëri Silvio Gonzato deklaroi se procesi zgjedhor po monitorohet në mënyrë intensive dhe se çdo incident do pasqyrohet në analizën përfundimtare.
“Po vëzhgojmë zgjedhjet, çdo raportim do të analizohet thellësisht. Ky raport do të orientojë analizën që do bëjmë për zgjedhjet parlamentare në vend. Sapo kam arritur në qarkun e Fierit dhe nuk do bëj koment ende për incidentet. Doja të takohesha me Prokurorinë e Posaçme për të parë punën që ata po bëjnë. Kjo për arsye se doja të shikoja në mënyrë të veçantë se si po ecën marrëveshja mes SPAK e KQZ. Nëse ka incidente ato do të hetohen nga autoritetet vendase dhe ne do të presim.”
I pyetur pse zgjodhi të shkojë në këtë qytet, u përgjigj kështu:
“Së pari sepse nuk doja të mbeteshim te Tirana, isha dhe në Durrës ku flitet për prezencë të bandave kriminale. Kam dëgjuar që ka probleme edhe këtu…” /tvklan
