Një aksident i rëndë rrugor ka ndodhur në orët e para të mëngjesit të sotëm, rreth orës 02:00, në vendin e quajtur “Ura e Teqes”, në hyrje të qytetit të Peqinit.
Automjeti tip “Volkswagen Golf”, me targë AB433PE, që drejtohej nga Gabriel Agron Lluca, 24 vjeç, ka dalë nga rruga dhe është përplasur me shkallët anësore të një banese.
Për pasojë, kanë humbur jetën menjëherë drejtuesi i mjetit, Lluca, dhe pasagjeri i tij, Denis Zeqir Korbi, 23 vjeç, të dy banues në Peqin.
Në vendngjarje ndodhet grupi hetimor, i cili nën drejtimin e Prokurorisë po punon për zbardhjen e rrethanave dhe shkaqeve të këtij aksidenti tragjik.
