Një aksident i rëndë rrugor është shënuar paraditen e sotme në autostradën Milot–Morinë, në zonën e Lezhës, ku janë përfshirë katër automjete. Si pasojë e përplasjes, kanë mbetur të plagosur drejtuesi i njërit prej automjeteve dhe dy pasagjerë që udhëtonin me të.
Sipas njoftimit zyrtar të Policia e Shtetit, procedimi penal ka nisur ndaj shtetasit I.P., 32 vjeç, pasi automjeti që ai drejtonte është përplasur me tre automjete të tjera. Nga aksidenti janë dëmtuar vetë drejtuesi i mjetit dhe dy pasagjerë në automjetin e tij, të cilët ndodhen nën kujdesin e mjekëve dhe janë jashtë rrezikut për jetën.
Shërbimet e Policisë Rrugore kanë referuar materialet në Prokurori, ndërsa hetimet vijojnë për të zbardhur shkaqet dhe rrethanat e aksidentit, në bashkëpunim me ekspertimin auto-teknik.
