Prej mijëra vitesh, njerëzimi ka ëndërruar të komunikojë me kafshët, një dëshirë që lidhet jo vetëm me kuriozitetin, por edhe me mbijetesën.
Me zhvillimin e inteligjencës artificiale, shumë studiues dhe entuziastë kanë ngritur pyetjen nëse këto teknologji mund të na ndihmojnë të “përkthejmë” gjuhën e kafshëve. Shkencëtarët kanë bërë përparime në interpretimin e tingujve të zogjve apo të balenave, por sfida mbetet e madhe.
Ekspertët theksojnë se komunikimi i çdo specieje është i lidhur ngushtë me mënyrën e jetesës dhe strukturën e trurit të saj, çka e bën të vështirë përkthimin e drejtpërdrejtë në gjuhën njerëzore.
Edhe pse ekzistojnë programe që analizojnë tingujt e kafshëve, ato nuk funksionojnë si një “Google Translate”. Për shembull, për të kuptuar një qen, nuk mjafton vetëm zëri, por edhe gjuha e trupit dhe sjellja.
Një nga programet më të avancuara, DeepSqueak, përdoret për të analizuar tingujt e padëgjueshëm të brejtësve dhe për të përcaktuar gjendjen e tyre emocionale, si stresi.
Megjithatë, shkencëtarët mbeten skeptikë se inteligjenca artificiale do të arrijë ndonjëherë të krijojë një përkthim të plotë të gjuhës së kafshëve.
