Policia Rrugore ka dalë me një njoftim të rëndësishëm për të gjithë drejtuesit e mjeteve, duke paralajmëruar kujdes maksimal gjatë fundjavës, pasi pritet të ketë reshje shiu që mund të shkaktojnë probleme në qarkullim.
Në apel, Policia thekson se shkeljet e shumta të konstatuara sidomos në fundjavë, së bashku me kushtet atmosferike të përkeqësuara, rrisin ndjeshëm rrezikun e aksidenteve.
Çfarë kërkon Policia nga drejtuesit e mjeteve:
- Të lëvizin me shpejtësi brenda normave të lejuara.
- Të tregojnë kujdes në akset rrugore ku mund të ketë prezencë uji.
- Të mos drejtojnë mjetin nën efektin e alkoolit apo në gjendje të dehur.
- Të përdorin rripin e sigurimit dhe të detyrojnë pasagjerët ta vendosin.
- Të shmangin parakalimet e gabuara dhe përdorimin e celularit gjatë drejtimit.
📍 Për drejtuesit e motomjeteve, biçiklistët dhe përdoruesit e monopatinave:
- Gjatë natës të veshin jelekë fosforeshentë për t’u bërë të dukshëm.
- Të vendosin gjithmonë kaskën mbrojtëse.
Policia bën me dije se është prezente në akset nacionale, urbane dhe rurale, duke përdorur radarë, kamera inteligjente, dronë dhe alkooltestues. Në rast nevoje, qytetarët mund të telefonojnë në numrin pa pagesë 112.
