Të gjithë studentët që do të ulen për herë të parë në auditorë mund të fillojnë regjistrimin nga 29 gushti deri më 11 shtator.
Ministrja e Arsimit dhe Sportit, Ogerta Manastirliu, ndau hapat që duhet të ndiqen për regjistrim në degët ku janë fitues:
Hapat që duhet të ndiqni:
1️⃣ Identifikohu – Përdorni ID e maturës për t’u identifikuar te Këndi i Maturantit.
2️⃣ Kontrolloni këndin – Shihni statusin tuaj në kohë reale: degët me ngjyrë jeshile janë fituesit, degët me ngjyrë të verdhë janë për fazën tjetër të shpalljes.
3️⃣ Afati 48 orë – Pas shpalljes fitues, keni 48 orë për t’u regjistruar; kalimi i afatit humb të drejtën për regjistrim.
4️⃣ Regjistrohu – Paraqituni në Sekretarinë e fakultetit me kartën e identitetit dhe dokumentet e nevojshme.
Studentët duhet të jenë të kujdesshëm për afatet dhe të ndjekin me vëmendje degët me ngjyrë të verdhë.
