Të paktën pesë persona janë raportuar të vdekur pas një tërmeti me magnitudë 6.9 që goditi Filipinet, transmeton Anadolu.
Sipas ‘ABS-CBS News’, një kompleks sportiv u shemb në Cebu gjatë një ndeshje basketbolli. Disa persona u raportuan të vdekur dhe të plagosur.
Katër nga viktimat u raportuan se janë nga ekipi që po i përgjigjej shembjes së kompleksit. Kapiteni i policisë, Jan Ace Elcid Layug, tha se një nga viktimat ishte një personel i Byrosë së Mbrojtjes nga Zjarri dhe tre ishin anëtarë të Rojës Bregdetare Filipinase.
Viktima e pestë ishte një fëmijë që u bllokua në rrënoja në një vend tjetër.
sipas Shërbimit Gjeologjik të SHBA-së (USGS), epiqendra e tërmetit që goditi në orën 13:59 GMT, në një thellësi prej 10 kilometrash, u përcaktua se ndodhi në rajonin verior Cebu.
USGS më vonë e rregulloi magnitudën 7.0 të shkallës Rihter në 6.9.
Instituti Filipinez i Vullkanologjisë dhe Sizmologjisë (Phivolcs) kishte lëshuar një paralajmërim për cunami, i cili më vonë u hoq.
Kisha e Shën Pjetrit dhe Palit në ishullin Bantayan u raportua se u shemb gjatë tërmetit. Një ndërtesë e zinxhirit të ushqimit të shpejtë gjithashtu u shemb pjesërisht në Bogo në rajonin Cebu.
Mësimet në shkolla u pezulluan për ditën e nesërme në disa pjesë rajonit Cebu, duke përfshirë Lapu-Lapu, Mandaue, Talisay, Minglanilla, Consolacion dhe Liloan.
Viktima u raportuan në komunën San Remigio në Cebu, e cila ka shpallur gjendje katastrofe pas dëmeve të shumta në zonë./Anadolu Ajensi
