Aeroporti Ndërkombëtar i Rinasit ka ndërprerë për rreth 30 minuta operimet në pistë, si pasojë e kushteve të këqija atmosferike.
Në një njoftim zyrtar, TIA bën me dije se vendimi u mor për të garantuar sigurinë maksimale të pasagjerëve dhe të fluturimeve.
Gjithashtu, në deklaratë theksohet se gjatë kësaj periudhe, në pistën e aeroportit të Tiranës janë ulur avionë që kishin destinacion fillestar aeroportet e disa vendeve fqinje, për shkak të pamundësisë për t’u ulur atje.
Aktualisht, operimet në pistë janë rikthyer në normalitet.
