Presidentja e Kosovës, Vjosa Osmani, gjatë pjesëmarrjes në ceremoninë e rihapjes së katedrales ikonike Notre-Dame në Paris, zhvilloi disa takime të rëndësishme me figura të njohura botërore.
Një nga takimet më të veçanta ishte ai me miliarderin dhe inovatorin Elon Musk.
“Me Elon Musk në Paris. Një bisedë e madhe për efikasitetin dhe efektivitetin e qeverisë, përpjekjet për të luftuar dezinformimin, si dhe rëndësinë e respektimit gjithmonë të vullnetit të popullit”, shkroi Osmani në një postim në rrjetin social “X” (ish-Twitter).
Përveç Musk, Osmani takoi edhe presidentin e zgjedhur të Shteteve të Bashkuara të Amerikës, Donald Trump, si dhe personalitete të tjera të njohura nga mbarë bota që ishin pjesë e këtij eventi historik.
Rihapja e Notre-Dame, e cila është një simbol i trashëgimisë botërore, shënoi një moment të rëndësishëm pas viteve të restaurimit që pasuan zjarrit shkatërrues të vitit 2019./Telegrafi/
