Në Philadelphia, Ministri i Shtetit për Marrëdhëniet me Parlamentin, njëherësh dhe Drejtues i Partisë Socialiste për Diasporën, Taulant Balla zhvilloi takime me bashkëatdhetarë.
Kuvendi i Shqipërisë ka sanksionuar tanimë me ligj të drejtën e çdo shqiptari jashtë Shqipërisë, për të zgjedhur drejtimin dhe udhëheqjen e vendit për katër vitet e ardhshme duke votuar nga aty ku banon jashtë atdheut-tha Balla.
Të shtunën 26 tetor, kryeministri Edi Rama do të takohet me shqiptarët në Amerikë, në të parin takim pas vendosjes të së drejtës së çdo shqiptari jashtë Shqipërisë, për të zgjedhur drejtimin dhe udhëheqjen e vendit për katër vitet e ardhshme duke votuar nga aty ku banon jashtë atdheut.
