Trupi i njeriut ka rreth 78 organe, por jo të gjitha janë jetike për mbijetesë. Në fakt, disa prej tyre mund të hiqen pa ndikuar ndjeshëm në cilësinë e jetës, veçanërisht kur ndërhyrjet kirurgjikale bëhen për arsye shëndetësore. Dr. Indraneil Mukherjee, kirurg minimal invaziv në Staten Island University Hospital, thekson se “shumë nga këto organe, edhe pse kanë funksione, nuk janë të domosdoshme për një jetë funksionale dhe të shëndetshme”.
Një rast i tillë është i Louise Altese-Isidori, e cila jeton normalisht pas heqjes së shtatë organeve, pas diagnostikimit me kancer ovarian. Ky fakt tregon kapacitetin e jashtëzakonshëm të trupit për t’u përshtatur dhe përparimet e mjekësisë moderne.
Këto janë 10 organet pa të cilat mund të jetosh:
1. Apendeciti – Një “dhomë e vjetër” e sistemit tretës, e konsideruar kryesisht e padobishme sot. Heqja e tij nuk sjell pasoja serioze.
2. Fshikëza e tëmthit – Shërben për ruajtjen e vrerit, por pas heqjes, mëlçia e derdh atë drejtpërdrejt në zorrë. Trupi përshtatet shpejt.
3. Një veshkë – Edhe pse kemi dy, njëra është e mjaftueshme për të filtruar gjakun dhe për të mbajtur ekuilibrin e lëngjeve.
4. Stomaku – Përzierësi fillestar i ushqimit. Pa të, ushqimi kalon direkt në zorrën e hollë, por kërkohen kujdes i përhershëm me ushqimin dhe suplementet.
5. Një pjesë e zorrës së hollë – Mund të hiqet deri në dy të tretat pa pasoja të mëdha, por në raste ekstreme shfaqet sindroma e “zorrës së shkurtër”.
6. Koloni (zorra e trashë) – Pa të, jashtëqitja bëhet më e shpeshtë dhe e ujshme. Mund të kërkohet kolostomi, por jeta mbetet funksionale.
7. Anusi – Në rast heqjeje, krijohet një hapje alternative për jashtëqitjen (stoma). Edhe pse kërkon përshtatje, jeta mbetet aktive.
8. Ezofagu – Pa të, krijohet një rrugë e re duke përdorur pjesë të stomakut ose zorrëve. Kërkohet kujdes i veçantë me dietën.
9. Fshikëza e urinës – Në rast heqjeje, urina drejtohet në një qese të jashtme ose në një rezervuar të krijuar nga mjekët.
10. Një mushkëri – Trupi përshtatet, por kapaciteti i frymëmarrjes zvogëlohet. Sportistët mund të kompensojnë, por gjithmonë me kujdes ndaj infeksioneve dhe ndotjes.
Dr. Mukherjee nënvizon se, edhe pse heqja e këtyre organeve nuk është ideale, falë mjekësisë moderne, njerëzit mund të jetojnë një jetë aktive dhe të shëndetshme, duke u përshtatur me ndryshimet.
