Deri në 10,000 trupa mund të dërgohen në kufirin SHBA-Meksikë si pjesë e goditjes së imigracionit të Donald Trump, sugjeron një memo e brendshme bën të ditur BBC.
Presidenti amerikan ka urdhëruar më herët dërgimin e 1500 trupave në kufi për të vendosur barriera – një burim ushtarak thotë se ata nuk do të përfshihen në “zbatimin e ligjit”.
Memorandumi i Doganave dhe Mbrojtjes së Kufirit daton më 21 janar – një ditë pas inaugurimit të Trump – dhe tregon një plan për të dërguar “10,000 ushtarë” për të ndihmuar agjencinë. Kontingjenti fillestar prej 1,500 trupash, që do të dërgohen në San Diego në Kaliforni dhe El Paso në Teksas, do t’i bashkohet 2,500 ushtarëve të vendosur tashmë në kufi.
Në memorandum thuhet gjithashtu se bazat e Departamentit të Mbrojtjes të SHBA-së mund të përdoren si “objekte ndalimi” për migrantët që presin të deportohen.
Disa orë pasi u betua si president, Trump shpalli një emergjencë kombëtare në kufirin me Meksikën, duke thënë se “sovraniteti i Amerikës është nën sulm”. Emigracioni ishte një premtim kyç i fushatës së Trump-it – ai ka bërë premtime të përsëritura për të mbyllur kufirin dhe për të forcuar zbatimin e ligjit.
Sot pasdite, Trump do të mbajë fjalimin e tij të parë të madh përpara liderëve të biznesit dhe politikës globale të mandatit të tij të dytë në Forumin Ekonomik Botëror në Davos.
